呃假紙反面教材第六式
睇症第二Part就係take history，即係問病歷。
有好多扮病嘅喺講唔到一個合邏輯嘅故事出黎。肚痾嘅，問佢食咗啲乜嘢污糟野、幾時食、痾左幾多次，痾D咩嘢💩，佢 Er… Er…答我唔到。
咁我會諗如果係事實嘅話，理論上好易講返事發經過。加埋上個post嘅一身華麗裝扮，你都會停一停，諗一諗，佢堅定流架？
同埋就算係病，係咪病到一個程度你連返工都一定返唔到？呢度有好大嘅想像空間。我都試過肚痾都照返工。甚至乎返工嘅時候肚痾。咁唔代表我成日都做唔到嘢架嘛！唔好Abuse呢個請病假嘅System唔該。
同場加映：我試過有人話鼻敏感發作要攞假紙。借問聲，乜你唔係日日都鼻敏感嘅咩？咁你咪日日都返唔到工？陰公囉-我係指屋企養你嗰個陰公！
再黎多個：有個男人左手手指尾篤魚蛋，問我攞假紙，話返Office打唔到字。九隻手指都打到字啩？唔該同我拖佢出返去。😡
Search